Zindagi bhi yuh rukh badalti hai
Kal jo beparwah si thi, aaj zimmedariyon ke bojh mei ulajh gayi hai
Dil jo titlii ki tarah banjara tha
Ab woh zarurato ki dor se bandh gaya
Parties ka shor hamara energiser hota
Ab shanti hi hame sabse zyada lubhaata
Ghar se baahar rehne ke bahaane dhundte
Ab bas ghar ke bistar kii raah taakte
Choti si chot pe bhi itna zor se rote
Ab toh bada sa gam bhi haske pii lete
Pocket money se saare shauk poore kar lete
Ab pocket mei money kam, loan zyada rehte
Maa ke khaane mei nuks nikaalte
Ab toh bina namak bhi chup chaap kha lete
Papa daatenge soch kar chhup jaate
Ab bas papa ko yaad karke rote
Bhai behen se lad ke hi chen lete
Ab toh baat karne ke liye time nikalte
Weekend mei sab dosto se kaise mile sochte
Ab toh bas chores poore karne ko dekhte
Ek car mei poora Parivar saath ghumne jaata
Ab sab apni-apni car mei alag nikal jaate
Har choti baat mei excited ho jaate
Ab toh khud ke birthday par phone off kar dete
Zindagai bhi yuh rukh badalti hai
Kuch nahi kehke bhi bahut kuch sikha deti hai
